jee bhar

aao aaj hum jee bhar jee le
kyu na bahen failaye aur samandaron ko pee le?
thaam lo meri baahen jo tum agar
aao main tumhe chalna sikha du
bole jo bhi sach hai aur sahi hai
kyu bole jhooth ya hothon ko see le?
laut chalte hain un galiyon me
jab har pehli baarish bheegte the
chod do har chatt,khol do darwaaze
kyu na aaj bahar hi nahi bheetar bhi bhigo le?
kehte hain sab ki bachpana hai
hum kehte hain hum usme khush hain
oopari sanjeedagi,bahari andaaz,sab chod kar
kyu na sirf bachpan ke khel jeevan bhar khele?
samandar ki ret chuye mujhe waqt beet gaya
tumne bhi kahan mitti ke ghar banaye?
pakki imaaraton,unche makaano ka toh saath hai
kyu na hum us khaare paani ka namak bhi chu le?
bewajah raahen naapne ka shauk lauta hai
kuch purane pair mil gaye hain
gaadiyon ke darwaaze khol kar bahar niklo
kyu na aage badhe aur meelo meel chal le?
aage badhne ke liye bhi waapis jana zaruri hai
ye maine jaan liya hai
waapis chal kar itna aage badh jaaye
ki kyu na hum har naya manzar chu le?
kyu na aasma chuye aur har nayi manzil cheen le?
kyu na aaj hum jee bhar jee le?

khwahish

kuch zaruratein aisi bhi hain ki kam hoti nahin,
kuch aadtein aisi bhi hain ki khatm hoti nahin,
par kyu unhe poora karna zaruri nahi lagta?
kyu adhura chod dene mein hi apna maza hai?
ek zarurat zindagi ki jeena bhi toh hai,
shayad yahi kaaran hain ki jeeye ja rahe hain
jo zeher bhara hai logon ne is mein
shayad use maddham-maddham peeye ja rahe hain
kab khatm hoga yeh bas yehi intezaar hai
iss khawhish mein ye zindagi beqarar hai.......

hasrat

kabhi yun bhi zindagi se saamna ho jaaye
ki sab kuch is duniya ka apna ho jaaye
kyun bithati hai kaanto ki sej par mujhe ,ae zindagi
kabhi yeh toh kar ki har phool mera ho jaaye
kya samajha hai tune bhi mujhe patthar ka putla?
ik baar hi sahi tujhse mera waasta ho jaaye
kuch is kadr tujhse mil lu gale
ki khatm har daayra,har faasla ho jaaye
mere iss jeevan ka ek ansh ho toh mere liye
kyu iss ka har pal-chiinn gair ho jaaye
kuch main bhi toh tujhse maang sakun
kyu tu hi hamesha mere aage haath failaye
ek mauka mujhe bhi de de aisa
ki mera hukm hi "sab kuch" ho jaaye

vo aakhri mod

aaj hum khade hain jeevan ke us kagar par
jahan aage badh jana chahte ho tum
beeti baaton-yaadon ko chod kar
lauta dena chahta ho vo jo mera hai
chuka dena chahte ho jis karz ne tumhe ghera hai
aage badhne se pehle,peeche chod dena chahte ho
yaadon ki parchaiyon aur saayon ko bhi hata dena chahte ho
agar lautana hi chahte ho toh de do mujhe
vo saare pal jo maine tumjare saath abaad kiye
vo saare rishte jinhe choda maine tumhare liye
vo baatein saari jo suni maine tumhari liye
vo raatein jinme sapne sirf tumhare liye
vo kaam saare jo kiye sirf tumhare liye
waqt ki kuch pankhudiyan padi hongi,unhe lete aana
tute dil ke tukde,unhe sambhal lana
aankhon ke anchalke aansu honge,lete aana
apni ankhon me mere adhure sapne bhar lana
kuch saalon ke anginat palon ka hisaab le aana
abhi toh kuch hi bataya hai
jo bhul gayi hun vo bhi yaad se le aana
ye sab agar bator paao toh sab kuch le aana
agar na la paao toh itna samajh lena
ki vo karz tum chuka nahi paaye ho
sab kuch mera lauta nahi paaye ho
ab ye karz hai tumhe jeevan bhar hai chukana
sab kuch mera hai aate jate lautana...........

(inspired frm IJAAZAT)

main aur meri tanhai

giri hui lakkeron ko dhunda jata nahi
gumi hui takdeeron ko koi fir pata nahi
hume jo kuch na bhi mile un lakeeron se
aap hume apne gum yun hi de de dena
hum unhe takdeer samajh kar palko par bitha lenge

masroof rehna zyada achcha haichahe aahon mein hi sahi
fursat aksar zyada tanhai de jaati hai

dil se nikli hui fariyad aur karahen aksar logon ko shayari lagti hai
khun-e-dil ka rang har kisi ko dikhaya nahi jata

jise dil mein basaya ho
uska toh roz deedar hota hai
bin dekhe bhi jo badhta jaye,
wahi toh pyaar hota hai

raakh ho kar bhi kisi ke kaam aayoge
jo zindagi mein naam kar jaoge

haseen dhokhon mein bhi pyaar dhund lete hain log
warna iss duniya me nafrat ki kami nhi hoti

hum parchai nahi dost ahin aapke
bahrosa kar ke toh dekh leejiye
mile the na milenge
rel ki patriyon ki tarah saath chalenge

humne beeta waqt mutthi mein kaid kar rakha hai
jab chahe aa kar le jana
waqt hi hum bhi maang lenge badle me tumse
hume apne waqt ka tohfa de jana........

kuch waqt apne saath

judai sirf apno se hoti toh baat thi
hume raqeebo ne bhi tanha kiya

khuda kya apni hi parchai saath nahi hai
gum toh ye hai
ki itna hote hue bhi hothon pe fariyad nhi hai


zindagi ne jhooth ka mauka kab diya?
sach bolna hi khata ho gaya

jale hue dil ke saath hum diljale hue
waqt aage badh gay hum kabhi kaafile ke na hue

doobte hue waqt ki ahmiyat pata chali
warna hum kahan waqt ke mohtaaj the?

bahane toh hum seh bhi jaate ada samajh kar
gum ye hai ki unki sachchai ne maar dala

fir bhi hum akele hi zindagi ki shaam ki or kooch karenge
is baar unke saath ki nhi,judai ki dua karenge